QazaqGaz өндірісте жарақаттануға «нөлдік төзімділік» тұжырымдамасына қосылды

QazaqGaz компаниялар тобының басшылығы өз үлгісімен өндірістік қауіпсіздік пен еңбекті қорғауға, еншілес және тәуелді кәсіпорындарда еңбекті қорғау саласында озық және заманауи тәжірибелерді енгізуге, қызметкерлер үшін қауіпсіз жұмыс жағдайларын жасауға міндеттенді.

«Біздің мақсат қызметкерлеріміздің денсаулығы, оларды қауіпсіз еңбек жағдайларымен қамтамасыз ету. Мәселен, QazaqGaz-да алғаш рет Басқарма Төрағасына тікелей бағынатын HSE (Health, Safety & Environment) қызметі енгізілді. Қызмет еңбек, қоршаған ортаны қорғау және өнеркәсіптік қауіпсіздік мәселелерімен айналысады. Осы мақсаттарға қол жеткізу үшін QazaqGaz командасы бірнеше негізгі бағыттарды әзірледі. Технологиялық процестердің тұтастығын қамтамасыз етумен бірге жағымсыз салдарлардың ықтималдығын азайту үшін, қызметкерлердің авариялық немесе төтенше жағдайларға тұрақты дайындығын көздеу маңызды», – деп атап өтті «QazaqGaz» ҰК» АҚ Басқарма төрағасы Санжар Жаркешов.

Бұдан басқа, QazaqGaz-дағы HSE қызметінің басшысы Алтай Джакубалиев 2022 жылғы 10 ай ішінде атқарылған жұмыс туралы айтып берді. Іс-шараға TAPline, Vision Zero және EVERYCO CA Kazakhstan өкілдері қонақ дәрістерімен қатысты. Форум QazaqGaz компаниялар тобының қызметкерлері үшін HSE саласында тәжірибе алмасу бойынша диалог алаңы ретінде ұйымдастырылды.

Форум аясында еңбекті қорғау саласында жетістікке жеткен мамандардың еңбегі елеусіз қалмады:

• Әділет Қалиев өз әріптесінің өмірін құтқарып қалғаны үшін арнайы марапатқа ие болды. 31 мамырда әріптесін ишемиялық инсульттан құтқарып қалған.
• Экологияға қосқан үлесі үшін Айжан Көшерова
• Қауіпсіз еңбек үшін - Бақтияр Асабаев
• Кәсіби жүргізушілік шеберлігі үшін - Александр Циммерман
• Еңбекті қорғау саласында кәсібилігі үшін - Бауыржан Жайлыбеков
• Қауіпсіздік техникасы саласындағы кәсібилігі үшін – Ерұлан Ерұзақов марапатталды.
• «Қауіпсіз кәсіпорын» номинациясында «Азия Газ құбыры» ЖШС үздік атанды.

2022 жылы QazaqGaz-да HSE (Health, Safety & Environment) қызметінің басшысы лауазымы алғаш рет енгізілгенін атап өткен жөн. Қызмет еңбекті қорғау, өнеркәсіптік қауіпсіздік және қоршаған ортаны қорғау мәселелерімен айналысады.